Wani bincike na shekarar 2010 da aka wallafa a mujallar nazari kan abinci masu gina jiki, ya gano cewa yawaita shan Zobo wanda a kimiyyance ake kira Hibiscus Sabdariffa, yana rage hatsarin kamuwa da cutar hawan jini.
Zobo ya kunshi wasu sunadarai da ke taimakawa wajen sanya nutsuwa a jijiyoyin da ke kai-komo da jini a jikin mutanen da ke daf da kamuwa ko fama da cutar hawan jini marar karfi.
- Harin Boko Haram: Zulum ya koma Borno a jirgin yaki
- Ronaldo ya lashe Kyautar Gwarzon Dan Wasan Karni
- 2023: APC ce za ta lashe zaben Gwamnan Sakkwato —Dingyadi
Zobo yana rage yawan daskararren maiko wato Cholesterol a jikin masu ta’ammali da shi da wadanda suka mayar da shi abin shansu domin kuwa shi Cholesterol yakan lullube zuciya ce ya hana ta aiki yadda ya dace.
Wani bincike da aka wallafa a ‘Fitoterapia’, wata mujallar tsirrai na magunguna da kuma sanin asalinsu, ya tabbatar da ingataccen tasirin Zobo wajen magance cutar hawan jini.
Bugu da kari, binciken ya bayar da rahoton kyakkyawan sakamako dangane da yadda Zobo yake wargaza kudindinewar da Cholesterol yake yi a jikin zuciya.
