Wani soja ya gamu da ajalinsa a yayin da jirgin kasa ya kade shi a yankin PWD da ke Ikeja a Jihar Legas.
Jirgin kasan ya kashe sojan ne a daidai wurin da wani jirgin kasa jirgin kasa ya kashe mutum shida, ya kuma jikkata wasu 80 a cikin motar jigilar ma’aikatan Gwamnatin Jihar Legas a kwanakin baya.
Shaidu sun ce, sojan mai mukamin Sajan, ya gamu da ajalinsa ne a bayan ya yi kokarin tsallake titin jirgin kasa a kan babur dinsa, amma aka yi rashin sa’a, jirgin, wadan ya taso daga Ibadan zuwa Legas ya kade shi.
Lamarin na ranar Laraba ya faru ne wata uku daidai, bayan jirgin kasa ya kade motar ma’aikatan gwamnatin jihar Legas, a ranar 9 ga Maris, 2023.
- Buhari ya kashe wa matattun matatu fiye da kudin gina Matatar Dangote —Gwamnan Nasarawa
- NAJERIYA A YAU: Yadda gidajen mai suke kwantai saboda tsadar fetur
Wata majiya ta ce an sanar da Birged na 9 na Rundunar Sojin Kasa ta Najeriya, inda sojan yake aiki, kuma sun dauke gawar mamacin zuwa Asibitin Sojoji da ke Yaba a jihar.
