Dakarun sojin Najeriya daga Rundunar Operation Hadin Kai (OPHK) tare da hadin gwiwar Civilian CJTF, sun kashe ’yan ta’addar Boko Haram a yankin Mafa na jihar Borno.
Wata majiyar tsaro ta ce dakarun sun yi artabu da mayakan kungiyar ne a wani samame, inda suka kashe ’yan ta’addan tare da tarwatsa sabbin sansanonin kungiyar guda shida, suka kwace manyan bindigogi da sauran makamai.
- CBN ya haramta cirar sabbin kudi a cikin banki
- Shekara 1 da rasuwar Sheikh Ahmad Bamba
- Rikicin Limanci ya hana Sallar Juma’a a Masallacin Dokta Ahmad Bamba
Majiyar ta ce sojojin sun hallaka hudu daga cikin ’yan ta’addan, sauran kuma suka tsere da kyar, dauke da raunukan harbi.
Ta ce dakarun sun kai farmakin ne bayan samun bayanan sirri kan maboyar ’yan ta’addan a yankunan Karkut da Koshobe.
Aminiya ta samu labarin cewa sojojin sun yi arangama mayakan ne a Karkut da kuma kauyukan kezemari da Ladinbuta.
Majiyarmu ta ce, ’yan banga na ci gaba da lalata sauran sansanonin ’yan ta’addan a yankin.
