Wutar lantarki ta dauƙe gaba ɗaya a faɗin Najeriya sakamakon durƙushewar babban layin lantarkin ƙasar.
Wutar lantarkin ta sake ɗaukewa gaba ɗaya ne, bayan da ta ragu zuwa 0.80 a ranar Asabar.
- Guguwa ta lalata gidaje sama 9,000 a Adamawa
- Rashin tabbas kan aikin haƙar fetur na damun mutanen Bauchi da Gombe
Binciken da aka yi a shafin intanet na kamfanin da ke kula da wutar lantarkin ya nuna yadda ya fara raguwa da misalin ƙarfe 2 na rana zuwa megawat 2,797.16.
Ƙarfin wutar lantarki ya ƙara raguwa zuwa 1,020.08 da misalin ƙarfe 3 na rana kafin ya ƙasa sosai zuwa 0.80 da misalin ƙarfe 4 na yamma.
Aminiya ta ruwaito cewa 0.80 shi adadin abin da babban layin samar da wutar lantarki ke da shi a yanzu haka.
Wannan shi ne karo na huɗu da babbar tashar samar da wutar lantarki ta Najeriya ke faɗuwa a 2024.
