Wata mata mai suna Luisa Yu ta soma burin ziyartar duk kasashen duniya tun tana da shekara 23.
Luisa mai shekara 79 ta cim ma burinta na tafiya kasashe da dama a duniya kuma ta shaida wa kafar labarai ta “Good Morning America” yadda lamarin ya kasance har mafarkinta ya cika.
- Za a fassara huɗubar Arafa cikin harsuna 20 — Saudiyya
- Za mu bai wa Ukraine rancen dala biliyan 50 a kadarorin Rasha — G7
Luisa, ta ce tun tana yarinya a kasar Philippines, koyaushe tana burinta ta yi balaguro.
“Lokacin da na shiga harkar fina-finai, na ga kyakkyawan yanayin game da wurare masu launuka, koguna da duwatsu da kuma abin da ya burge ni,” Luisa ta tuna.
“Shi ya sa nake tunanin wata rana zan je wuraren nan in yi taka su.”
Luisa ta ce ta je Amurka a matsayin dalibar musayar kudi lokacin da take da shekara 23 kuma ta fara tafiya lokacin da take iya zuwa.
“Na fara zuwa Amurka da farko,” Luisa ta bayyana.
“Don haka na yanke shawarar hawa bas ta Greyhound in zagaya Amurka.”
“Bas din Greyhound ta kasance mafi kyau saboda kawai shiga za a yi,” in ji ta.
“To zuwa washegari sai na ji ni a wata jihar.”
Bayan yin aiki a fannin fasahar likitanci, Luisa ta rungumi abu na biyu a matsayin hanyar yin balaguro don ta samu sassauci lokacin yin tafiya.
Shekara 50 da suka wuce, ta yi tafi duk inda za ta iya, daga kasashen Turai kamar Italiya zuwa kasashen Asiya kamar Thailand da kuma kasashen Afirka kamar Libya da kasashen Gabas ta Tsakiya kamar Iran.
Daga karshe ta ce ta yanke shawarar cewa za ta ziyarci kasashe 193 da ke cikin Majalisar Dinkin Duniya.
“Kodayake wasu wuraren da ake gani suna da hadari, na ce, ina tsammanin zan iya zuwa a hakan.
“Ina so in ga wuraren nan da idona saboda akwai tarihi da al’adu da yawa da suka faru a can,” in ji Luisa.
Luisa ta kammala cika burinta a ranar 9 ga Nuwamban, 2023, inda ta tsallaka zuwa Serbiya daga cikin jerin balaguron nata bayan shawarar kawarta daga kasar sai ta ziyarci kasar Balkan a matsayin kasa ta karshe.
“Sun ce, ‘Za ku zo Serbiya saboda za mu tashi. Mu ma muna kusa sosai kuma za mu yi bikin kasar bulaguron ta karshe,” in ji ta.
“Ban san cewa lokacin da na zo, sun riga sun yi mini wannan shirye-shiryen ba. Abin ya ba da mamaki.”
Nomad Mania ya amince da Luisa Yu a matsayin daya daga cikin mutum biyu daga Philippines don zama “Maigidan Majalisar Dinkin Duniya,” wanda ta yi balaguro zuwa kasashe 193.
Bayan ziyartar kasashe da dama da kuma haduwa da mutane marasa adadi a kan hanya, wadanda da yawa daga cikinsu sun zama abokanta, Luisa ta ce ta fahimci “dukkanmu mun yi kama da juna fiye da yadda muke zato.”
Ga duk wanda ya yi mafarkin tafiya, Luisa tana karfafa masa ya yi.
