A safiyar Talatar nan wata tirela da ke makare da kayan madare ta auka kan wani masallaci a yankin Suleja da ke Jihar Neja.
Tirelar ta auka cikin masallacin ne jim kadan bayan jama’a sun fice bayan Sallar Asuba.
- ’Yan bindiga sun harbe mutum 2, sun sace dan kasuwa a Kano
- ’Yan banga sun cafke ’yan bindiga 6, sun ceto mutum 7 a Nasarawa
A rahotanni sun nuna akalla mutum uku ciki har da yara sun makale a cikin masallacin da ke layin Biba mai yawan da shaguna da hada-hadar kasuwanci a garin.
Wani ganau ya ce mutum daya ya samu karaya bayan motar ta kutsa ne ta bayan masallacin inda mata da kananan yara ke Sallah.
