Allah Ya yi wa Shugaban Sashen ’Yan Tumatir na Kasuwar Mil 12 da ke Legas Alhaji Yahuza Bagobiri rasuwa sakamakon hadarin da ya yi a kan babur.
Marigayi ya gamu da ajalinsa ne bayan da wata babbar mota ta ture shi yana kan babur a makon da ya aurar da ’ya’yansa mata su biyar kuma ya yi kara aurar mace a garin Zarewa Da ke jihar Kano. An kwantar da marigayin a Asibitin Koyarwa na Jami’ar Ahmadu Bello da ke Zariya a Jihar Kaduna bayan hadarin inda ya rasu cikin dare ranar Litinin da ta gabata.