Mai Martaba Sarkin Musulmi, Sa’ad Abubakar na uku ya bukaci gwamnatin tarayya ta kamo wadanda suka kashe mata da kananan yara a garin Mambila da Numan.
Sarkin Musulmin ya yi kiran ne a ranar Lahadin da ta gabata yayin bikin kaddamar da gidan rediyo na farko da zai rika yada shirye-shiryensa a harshen fillanci mai suna Rediyo Pulaaku wanda Lamidon Adamawa, Dokta Muhammad Barkindo Mustapha ya kafa.
