Mai Martaba Sarkin Fika, Muhammadu Ibn Abali Muhammadu Idrissa ya bayar da tallafin kayan tufafi da kudi ga marayu da ke garin Potiskum domin bukukuwan Sallah.
Da yake raba kayayyakin a fadarsa da ke Potiskum, sarkin ya yi addu’ar samun hadin kai da zaman lafiya a tsakanin al’ummar masarautar.
- Ya saci zakara saboda bai ci nama ba tun farkon Azumi
- Sallah: Yadda maza ke cin kasuwar yi wa mata kunshi da kwalliya a Kano
Sarkin ya yi kira ga masu kishin al’umma da su rika taimaka wa marayu a kodayaushe domin samun ingantacciyar rayuwa.
An zabo marayun ne daga gundumomin masarautar Fika baki daya.
A jawabinsa na godiya, Hakimin Arikime, Alhaji Haruna Usman, ya bayyana sarkin a matsayin shugaba abin koyi wanda a kodayaushe yake wa’azin zaman lafiya da tallafa wa marayu da marasa galihu a fadin masarautarsa.
