Mataimakin Shugaban Majalisar Dattawa, Sanata Barau Jibrin ya jagoranci ‘yan Majalisar Tarayya wajen halartar jana’izar sojojin da aka kashe a Jihar Delta a ranar 14 ga watan Maris 2024.
An yi jana’izar dakarun da suka sadaukar da rayukansu domin ƙasar nan a maƙabartar sojoji ta ƙasa da ke Abuja a ranar Laraba.
- Tinubu na halartar jana’izar sojoji 17 da aka kashe a Delta
- Dole mu ayyana masu garkuwa da mutane a matsayin ’yan ta’adda — Tinubu
Motocin bayar da agajin gaggawa na sojoji ne suka kai gawarwakinsu tare da rakiyar hukumar bayar da agajin gaggawa ta Birnin Tarayya.
‘Yan uwa da matan sojojin da suka rasa rayukansu sun halarci maƙabartar tare da matan abokan arziki.
