Gwamnan Jihar Borno, Babagana Umara Zulum, ya amince da biyan albashin ma’aikatan jihar na watan Afrilu domin su samu damar gudanar da bikin Karamar Sallah cikin walwala.
A cewarsa, ma’aikatan jihar sama da 16,000 za su samu albashinsu na watan Afrilu, don su samar damar yin bikin karamar sallar da ke tafe a karshen mako cikin farin ciki.
- Rarara ya nemi kotu ta yi watsi zargin taurin bashin N10m da ake masa
- INEC ta bukaci a gurfanar da Kwamishinan Zaben Adamawa a Kotu
Mai magana da yawun gwamnan, Isa Gusau ne, ya kara cewa Zulum ya yi kira ga daukacin al’ummar Musulmi da su gudanar da bukukuwan Karamar Sallah, cikin annashuwa.
Sannan yar doke da su ci gaba da yi wa jihar addu’ar samun ci gaba da dorewar zaman lafiya da karuwar arziki mai yalwa.
