Tsohon Gwamnan Jihar Kaduna, Malam Nasir El-Rufai, ya ce dawo da Muhammadu Sanusi II a matsayin Sarkin Kano na daga cikin abubuwan da suka fi muhimmanci a rayuwarsa.
El-Rufai, ya bayyana hakan ne a yayin taron Arewa Tech Fest da aka gudanar a Kano ranar Laraba.
- TY Danjuma Ya Bayar da Tallafin N1bn Kan Ambaliyar Maiduguri
- Yajin Aiki: ASUU ta bai wa Gwamnatin Tarayya wa’adin kwana 14
Taron ya tara ’yan siyasa da ƙwararru don tattauna ci gaban da ake samu a Arewacin Najeriya.
Manyan mutane, ciki har da gwamnonin jihohin Kano, Katsina, da Zamfara, sun halarci taron.
El-Rufai ya ce, “Dawo da Mai Martaba kan sarautar Kano, ya kasance ɗaya daga cikin abubuwan da suka fi muhimmanci a rayuwata, kuma ina so na taya ku murna.”
