Rikici ya barke tsakanin matafiya da ma’aikatan kamfanin jiragen sama na Azman a Kano, bayan an samu tsaikon tashin wani jirgin fasinja.
Tun farko jirgin an sanar da cewa zai tashi da misalin karfe 7:30 na safe, sai aka sake maida shi 8:30 na dare a ranar Juma’a, lamarin da ya janyo zanga-zanga a filin jirgin saman na Malam Aminu Kano.
- An girke jami’an tsaro 10,000 domin zaben kananan hukumomin Kano
- Jahilai ne ke juya al’amuran siyasa da gwamnati a Kano — Hadimin Ganduje
- ‘Babu ’yan kasuwar Kano da aka sace a hanyar Kaduna-Abuja’
- An nada kanin Kwankwaso sarautar Makaman Karaye
Sai dai zanga-zangar ta rikide ta koma rikici a tsakanin matafiya da ma’aikatan Azman da kuma ma’aikatan filin tashin jiragen.
Aminiya ta samu cewa rikicin ya kai ga wata ma’aikaciya ta yanke jiki ta fadi sannan an fasa wa wani fasinja baki yayin da kuma aka kusa yi wa wani ma’aikacin jirgin saman tsirara saboda irin yadda aka keta masa suturar da ke jikinsa.
Irin haka ta faru a daren ranar Alhamis, yayin da jirgin Azman ya fasa tasowa daga Abuja zuwa Kano saboda samun matsala da ya yi.
Daga bisani aka sake sauya wa matafiyan lokacin tashi zuwa karfe 4:30 na yammacin ranar juma’a.
Sai dai fasinjojin sun fusata saboda rashin bayyana musu dalilin sauye-sauyen lokacin tashin nasu.
Kuma babu wani ma’aikaci daga kamfanin jirage na Azman da ya yi wa fasinjojin jawabin dalilin aikata hakan.
Wasu daga cikin fasinjojin sun koka kan yadda ba a sama musu masauki ba balle kudin abun hawa.
