Dan takarar shugaban kasa na APC, Bola Tinubu, ya bayyana kwarin gwiwarsa na lashe zaben shugaban kasa da ke gudana a ranar Asabar.
Tinubu ya sanar da haka ne bayan da ya kada kuri’a a mazabarsa da ke Jihar Legas tare da mai dakinsa, Sanata Oluremi Tinubu.
Bayan ya kada kuri’ar tasa ce a rumfa mai lamaba 85, gunduma ta 3, a Alausa, manema labari suka tambaye shi ko zai taya wanda ya yi nasara a zaben murna idan bai kai bantensa ba.
Budar bakin Tinubu ke da wuya, sai ya ce, ai “Ni ne zan lashe zaben”, cikin kwarin gwiwa.
