NDLEA ta kama dilolin kwaya 100, ta fasa dabar shaye-shaye 14 a Kaduna

Dillalan miyagun kwayoyi guda 100 sun shiga hannu, a yayin da aka tarwata matattarar masu shaye-shaye 14 a Jihar Kaduna a cikin mako hudu da suka gabata.

Kwamandan Hukumar Hana Sha da Fataucin Miyagun Kwayoyi (NDLEA) a Jihar Kaduna, Umar Adoro, ya ce dillalan miyagun kwayoyin da jami’an hukumar suka kama sun hada da maza 93 da mata bakwai.

• NAJERIYA A YAU: Kalubalen ’Yan Takarar Shugabancin Najeriya A 2023
• ’Yan sanda sun cafke matashi kan zargin kashe uwa da danta a Adamawa
• Atiku: Ruwa ba sa’an kwando ba ne – Sakon PDP ga Tinubu

Ya bayyannan cewa an kama dilallan miyagun kwyoyin da kuma tarwatsa wuraren da ake shaye-shayen ne a samamen da hukumar ta kai a garin Zariya da kuma Kaduna a cikin wata Mayu da ya gabata.

Ya ce bayyana cewa unguwannin da aka tarwatsa matattarar masu shaye-shayen miyagun kwayoyin sun ha hada da Abakwa da Malali da Tirkaniya da Rigasa da Romi da Filin Misata a garin Kaduna.

Sai kuma unguwannin Chikaji da Sabon Gari da sauransu da ke Karamar Hukumar Zariya.