Hukumar Kare afkuwar hadurra ta Najeriya FRSC ta tantance akalla matasa dubu 324 wadanda suke neman aiki a gurabe 4,000 na hukumar.
A yayin da shugaban hukumar FRSC Dakta Boboye Oyeyemi ya kai ziyara harabar da ake tantancewar a Abuja ya ce, hukumar nada guraben ma’aikata 4,000 ne kacal ga wadanda suka yi nasara.
Oyeyemi ya ce, za a tantance masu neman aikin na matakai daban-daban tun daga shaidar kammala karatun mai neman aikin da jarabawar gwaji wanda hukumar shirya jarrabawa shiga jami’o’i JAMB ta shirya da kuma tantancewar ko mai neman aikin na yin mu’amala da miyagun kwayoyi.