Hukumar tsaron farin kaya ta Najeriya (NSCDC) ce ta gurfanar da malamin mai shekaru 40 kan yin lalata da wasu yara maza hudu masu shekaru 13 zuwa 15 a dakinsa.
Jami’i mai shigar da kara na NSCDC, Marcus Audu, ya shaida wa kotun cewa malamin ya lalata da yaran ne a lokuta da dama daga watan Fabrairu zuwa Yulin 2024.
Ya ce wanda ake tuhumar ya rika yaudarar kowanne daga cikin yaran ne a lokuta daban-daban zuwa dakinsa da ke Takau inda ya yi lalata da su ta dubura.
- Gwamnan Sakkwato ya sa hannu kan dokar rage ikon Sarkin Musulmi
- An yanke wa ’yan daba 106 hukunci a kwana 10 a Kano
A cewarsa, wanda ake tuhuma ya yi barazanar kashe yaran idan suka gaya wa wani abin da ya yi musu.
Mai gabatar da kara ci gaba da cewa a yayin gudanar da bincike, wanda ake tuhumar ya amsa laifinsa
Alkalin kotun, Samson Kwasu, ya yi watsi da ikirarin wanda ake kara na rashin hurumin kotun na sauraren karar.
Kwasu ya umurci mai gabatar da kara da ya mika kwafin fayilolin karar zuwa ofishin kararrakin jama’a na Jiha domin samun shawara.
