Hukumar Yaki da Masu Yi Wa Tattalin Arziki Tu’annati (EFCC) shiyyar Ibadan ta yi wani wawan kamun mutane 10 da suke rakiyar tireloli uku dauke da ma’adinan ‘Lithium’ da aka hako su ta haramtacciyar hanya.
Ana amfani da ma’adanan Lithium wajen hada jiragen sama da batura da magunguna da kuma sauransu.
Kakakin hukumar EFCC, Mista Dele Oyewale ya sanar cewa bayan daukar matakin bin sawu da jami’an hukumar suka yi, sun yi nasarar kama wadannan mutane da motocin a yankin Ogbomoso a Jihar Oyo.
Cikin sanarwar, Oyewale ya ce har zuwa lokacin da aka yi wannan kame, ba a iya gano ainihin inda mutanen suka yi nufin zuwa da wannan nau’in ma’adinin Lithium da aka loda su cikin manyan motocin ba.
- An ceto karin Dalibar Chibok da ’ya’ya da juna-biyu a Borno
- NAJERIYA A YAU: Abin Da Masu Zuba Jari Suke Gudu Daga Najeriya
Kakakin hukumar ya ce da zarar sun kammala bincike za su gurfanar da mutanen ne gaban kotu domin yanke masu hukumci.
