A ranar Talatar da ta wuce ne kulob din Leicester City na Ingila ya bayyana sanarwar korar kocinsa Craig Shakespeare watanni hudu kacal bayan an nada shi a matsayin koci. Kocin wanda ya sanya hannu a kwantaragin shekara uku, yanzu kulob din ya sallame shi ne saboda rashin kokari a kakar wasa ta bana.
Tun bayan da kocin ya fara horrar da kulob din ya samu nasara ne a wasanni takwas kacal daga wasanni 16 da ya yi al’amarin da ta sa yanzu haka kulob din ne na 17 a jerin kungiyoyin da ke fafatawa a gasar rukunin firimiyar Ingila.
Kulob din ya dauki matakin sallamar kocin ne jim kadan bayan an tashi wasa a tsakanin kulob din da West Brom a ranar Litinin inda aka buga kunnen doki 1-1 a gasar rukunin firimiyar Ingila.