An shafe kwana goma a jere babu wanda ya kara kamuwa da cutar coronavirus a kasar Malaysia.
Darakta Janar na Hukumar Lafiyar kasar Noor Hisham ya tabbatar da haka ranar Litinin.
“Mutum 38 ne sabbin wadanda suka kara kamuwa da cutar a kwanaki 10 da suka wuce,” a cewarsa.
26 sun dauko cutar ne daga wasu kasashe, 6 kuma a cikin gida, sannan akwai ‘yan kasashen waje mutum 6.
Zuwa ranar Litinin mutum 115 ne cutar coronavirus ta kashe daga cikin mutum 7,857 da suka harbu da ita a kasar.
Daga cikinsu 6,404 sun warke yayin da ake ci gaba da jinyar wasu 1,338.
