Kwamitin Shugaban Kasa kan Sake Gina Arewa maso Gabas ya fara gudanar da shirin bayar da horo kan gina zaman lafiya da tabbatar da adalci a tsakanin al’umma a garin Maiduguri da ke Jihar Borno.
Taron wanda aka fara gudanar da shi tun ranar Litinin, 5 ga watan Nuwamba ya samu halartar sarakunan gargajiya da alkalai da shugabannin addini kuma an shirya taron ne don a basu horo kan yadda za su kware wajen tabbatar da zaman lafiya da kuma kokarin baiwa kowa damar samun adalci a garuruwansu.
