An tabbatar da rasuwar mutum 20, wasu 322 kuma sun harbu bayan barkewar annobar amai da gudawa a kananan hukumomi tara a Jihar Bauchi.
Kwamishinan Lafiya na Jihar, Dokta Aliyu Mohammed Maigoro, ya sanar a safiyar Talata cewa an samu bullar cutar kuma an tattara samfur 21 wadanda 19 daga ciki suka nuna akwai kwayar cutar ta amai da gudawa mai suna V-Cholera.
- Saudiyya ta haramta amfani da lasifika a Masallacin Harami
- An yanke wa dattijo lafiyayyar kafa aka bar mai ciwon
Ya ce mutumin da aka fara samu yana dauke da cutar wani matashi ne mai shekara 37 wanda ya je Babban Asibitin Burra a ranar 24 ga watan Afrilu, 2021.
