Kungiyar masu sayar da kayan abinci na jihar Bauchi sun yi kira ga shugaba Muhammadu Buhari da gwamna jihar Muhammed Abdullahi Abubakr su sake tsayawa takara karo na biyu a zaben shekarar 2019.
Kungiyar ta bayyana cewa a shirye suke su sayawa shugaban kasa da gwamnan jihar tikitin sake tsayawa takara a zabe mai zuwa.
Shugabar kungiyar, Hajiya Kaltume Katagum ta bayyana haka a karshen makon da ya gabata yayin da ta kai ziyara ga mai taimaka wa gwamnan na musamman kan kungiyoyi masu zaman kansu da zuba jari, Mansur Manu Soro.
