Kotun Sauraren Kararrakin Zaben Jihar Bayelsa da ke zama a Abuja ta soke zaben Gwamnan Jihar Bayelsa, Duoye Diri, da mataimakinsa, Lawrence Ewhrudjakpo.
Kotun mai alkalai uku a karkashin jagorancin Mai Shari’a Ibrahim Sirajo ta soke zaben ne bayan amincewa da korafin Jam’iyyar ANDP na cewa ba a sanya ta a zaben da aka yi a 16 ga Nuwamban bara ba.
Tuni kotun ta ba da umarni a sake zaben cikin kwanaki 90 masu zuwa.
