Kotu ta sake tabbatar wa Uba Sani kujerar Gwamnan Kaduna

Kotun Ɗaukaka Ƙara da ke Abuja a ranar Juma’a ta tabbatar wa Uba Sani kujerarsa a matsayin Gwamnan Jihar Kaduna.

Kotun mai alkalai uku cikin murya daya dai ta yi fatali ne da karar dan takarar PDP a zaben da ya gabata, Isah Mohammed Ashiru, saboda ta ce ba ta da hujja.

• An yi wa Babban Editan Daily Trust rasuwa
• Yarjejeniyar tsagaita wuta ta soma aiki a Gaza — Qatar

Ashiru dai ya garzaya kotun ne yana kalubalantar hukuncin kotun sauraron kararrakin zabe wacce ta tabbatar wa da Uba Sani nasara a zaben, kamar yadda Hukumar Zabe ta Kasa (INEC) ta bayyana.

A cewar INEC a wancan lokacin, Uba ya lashe zaben ne da kuri’a 730,002, inda ya doke Isah mai kuri’a 719,196.