Babbar Kotun Tarayya da ke Abuja ta ki sauraron karar da ’yar takarar APC, Aisha Dahiru Binani ta shigar tana neman a hana INEC sanar da sakamakon zaben Gwamnan Jihar Adamawa.
Lokacin da aka karanta bukatar a gaban kotun ranar Talata, alkalin kotun, Mai Shari’a Inyang Ekwo, ya bukaci lauyoyin Binani da su yi wa kotun bayani kan huruminta a kan batun cikin kwana uku.
- An dakatar da Kwamishinan ’Yan Sandan Adamawa
- INEC ta dawo da tattara sakamakon zaben Gwamnan Adamawa
Kazalika, alkalin ya kuma ki amincewa da bukatar lauyan jam’iyyar PDP da Gwamna Ahmad Fintiri, Afeez Matomi, daga sake mika wata sabuwar bukata saboda kotun sauraron kararraki ce ke da hurumin sauraron hakan.
Sanata Binani dai ta ce matakin da INEC ta dauka na soke ayyanatan da aka yi a matsayin zababbiyar Gwamna ta yi gaban kanta ne wajen yin aikin kotu.
Sai dai kotun ta dage ci gaba da sauraron karar zuwa ranar 26 ga watan Afrilu mai zuwa.
