Gwamnan Kano Abba Kabir Yusuf ya aike wa Majalisar Dokokin Jihar kuƙirin ƙarin kasafin kuɗi na Naira biliyan 99.22.
Abba ya shaida wa majalisar cewa yana neman amincewarta da ƙarin kasafin ne domin aiwatar da wasu muhimman ayyuka don inganta walwalar al’ummar Kano.
Takardar neman ƙarin kasafin wadda shugaban majalisar, Ismail Falgore, ya karanta, ta bayyana cewa Naira biliyan 33.78 daga cikin kuɗin za a kashe su ne wajen biyan albashi.
Ragowar su ne biliyan 34.5 da za kashe a kan ayyukan yau da kullum, sai manyan ayyuka da za a kashe biliyan N30.97 a kansu.
- Ina sukar Tinubu ba don na tsane shi ba — Jigo a NNPP
- Mai kai wa ’yan ta’adda kakin sojoji ya shiga hannu a Kaduna
Bayan gabatar da takardar, Kwamishinan Kasafi da Tsare-tsare na Jihar Kano, Musa Shanono, ya bayyana cewa ƙarin kasafin zai ba wa gwamnatin jihar damar biyan sabon mafi ƙarancin albashi da ma sauran ayyukan cigaban al’umma, musamman a ɓangarorin ilimi da kiwon lafiya.
Ya shaida wa ’yan jarida cewa kasafin 2024 na jihar na da majalisar ta fara amincewa da shi Naira biliyan N437.34 ne.
Don haka idan aka haɗa da ƙarin da aka kawo, jimilla ya kama Naira biliyan 536.56.
