Wani jirgin sama mai saukar angulu da ba a kai ga tantancewa ba ya yi hatsari a kan wani gini da ke unguwar Ikeja a Jihar Legas.
Jirgin dai ya kama da wuta ne a kusa da filin jirgin sama na Murtala Muhammed, wajen da yake shirin sauka.
- Ba zai yiwu gwamnati ci gaba da bayar da tallafi a bangaren lantarki ba – El-Rufa’i
- Tinubu da gwamnoni 6 sun tafi Jamhuriyyar Benin
Kodayake an samu nasarar ceto mutum biyu da aka yi ittifakin direbobin jiragen ne a raye, amma babu tabbacin adadin yawan fasinjojin da ke cikin jirgin.
Tuni dai jami’an Hukumar Bayar da Agajin Gaggawa ta Kasa (NEMA) suka isa wajen inda suke koarin aikin ceto.
