Gwamnatin Jihar Kebbi ta fara feshi ta sama kan tsuntsayen jan-baki da suka addabi gonakin manoma a Jihar.
Ana feshin ne kan tsuntsayen da ke yin hijira a Kananan Hukumomin da suka fi kamari na Argungu da Bagudu da kuma Kalgo.
- Mai juna-biyu, yara 3 da wasu mutum 15 sun kone a hatsarin tankar mai
- Davido ya goge bidiyon wakar ‘cin zarafin Musulunci’
Gwamnan Jihar, Dokta Nasir Idris, yayin kaddamar da fara feshin ya ce sun fara shi ne domin tabbatar da samar da abinci a Jihar.
Nasiru Idris dai ya sami wakilcin Sakataren Gwamnatin Jihar, Alhaji Yakubu Bala Tafida, a lokacin kaddamarwar.
Gwamnan ya ce, “Wadannan tsuntsayen, musamman na jan-baki na da matukar barazana wajen samar da abinci, musamman hatsi.”
Ya kuma bayar da tabbacin cewa gwamnatinsa za ta ci gaba da sa kafar wando daya da duk wata matsala da za ta zama barazana ga nasarar da fannin aikin gona yake samu a Jihar.
