Jami’an tsaro sun datse hanyar zuwa Hedikwatar INEC a Kano

Jami’an tsaro sun datse hanyar zuwa shalkwatar Hukumar Zabe ta Kasa (INEC) da ke Kano da motocin sulke, da wayoyin tsaro na karfe.

Wakilinmu ya rawaito cewa mazauna unguwar da ke kusa da hanyar na cikin damuwa, saboda zaman gidan tilas da ya same su.

• Zulum ya ci zabe a Karamar Hukumar Monguno
• INEC ta wallafa sakamakon zabe 66,600 a shafin iRev

Kazalika wakilin na mu ya ce jami’an tsaron DSS sun hana ’yan jarida shiga ofishin INEC din, inda suka ce umarni ne da aka ba su daga sama, sai dai zuwa karfe 1:30 na rana za su bude.