Lebanon ta ce, akalla mutane 270 sun rasa rayukansu sakamakon jerin hare-haren da Isra’ila ta ƙaddamar a yankin kudancin ƙasar a wannan Litinin.
Kazalika hare-haren na Isra’ila sun jikkata sama da mutane 400 kamar yadda Ma’aikatar Kiwon Lafiyar Lebanon ta sanar.
Rundunar Sojin Isra’ila ta ce ta kai sama da hare-hare 300 a kan Hezbollah, yayin da ta yi kira ga mazauna kudancin Lebanon ɗin da su fice daga yankin saboda tana shirin ƙaddamar da wasu hare-haren kan mayakan Hezbollah.
Sai dai ita ma ƙungiyar Hezbollah ta ce, ta kai hari kan wasu wurare uku a yankin arewacin Isra’ila.
- Ya Kamata A Hanzarta Aikin Hako Man Kolmani
- Sojoji sun kashe ’yan ta’adda 8, sun ceto mutum 16
- Tinubu ya fara shirin sauke wasu ministocinsa
Adadin mamata fiye da 180, shi ne mafi yawa da aka samu a wani hari da aka kai daga wata ƙasa zuwa wata ƙasa tun bayan ɓarkewar rikicin Gaza a ranar 7 ga watan Oktoban da ya gabata.
Yakin ya ɓarke ne bayan ƙungiyar Hamas ta Falasɗinawa ta kai hari mafi muni a kan Isra’ila, yayin da wannan yaƙin ya shafi Hezbollah da sauran ƙungiyoyin da ke samun goyon bayan Iran a yankin Gabas ta Tsakiya.
Tuni Iran ta gargaɗi Isra’ila game da abin da ka iya faruwa nan gaba bayan ƙazamin faarmakin da ta kai wa Hezbollah a babban sansaninta da ke Lebanon.
Ma’aikatar Harkokin Wajen Iran ta bayyana harin na Isra’ila a matsayin ‘rashin hankali’
