Mutane 21 sun rasu a hatsarin tirela da wava bas a kan Babar Hanyar Auja zuwa Kaduna a safiyar Alhamis.
Hatsarin ya ritsa da matafiyan ne a tsakanin yankin Gidan da Abe da ke Karamar Hukumar Kagarko.
Matafiyan sun gamu da ajalinsu ne bayan tirelar da ke hanyar zuwa Kano da wata bas kirar bumber da ke hanyar zuwa Batsari a Jihar Katsina sun yi karo.
Wani jami’in hukumar kiyaye haddura da ke cikin masu aikin ceto ya ce fasinjoji uku rayu suna kwance a asibitin tunawa da Umaru Musa da ke garin Sabon-Wuse, inda a nan aka ajiye gawarwakin a mutuware.
- NAJERIYA A YAU: Shin Dole Sai An Ɗauki Tsauraran Matakai Kafin A Saita Najeriya?
- Ya kashe kansa kan zargin matarsa da lalata da abokansa
- Mutane 9 sun rasu a hatsarin A Daidaita Sahu da mota a Kano
Jami’in ya ce an yi hatsarin ne kusa da wata mahada, lamarin da ya toshe hannu daya na hanyar tare da kawo cunkoson ababen hawa.
Wasu shaidu na zargin diraben tirelan ya tsere ya bar ta a wurin.
DPO na ’yan sanda a yankin Tafa da ke kan hanyar, S.P Idris Ibrahim, ya tabbatar da faruwar lamarin, amma ya ce suna kokarin kammala tattara bayanai.
