Gwamnatin Jihar Bauchi ta nada Alhaji Nuhu Ahmed Wabi a matsayin sabon Sarkin Jama’are.
Sabon sarkin ya maye gurbin mahaifinsa, Alhaji Ahmad Mohammed Wabi, wanda ya rasu a farkon watan Fabrairu.
- Tauraruwar Arewa: Watan girmama matan Arewa Zai Tsaya
- Kotu ta ki amincewa ta bayar da belin Abba Kyari
Sanarwa nadin sabon sarkin na dauke ne a cikin wata sanarwa da Sakataren Gwamnatin Jihar, Alhaji Ibrahim Alkassim Mohammed, ya fitar a ranar Litinin.
Alhaji Nuhu Ahmad Wabi ya kasance sarki na 10 da ya dare bisa karagar mulkin Masarautar Jama’are.
Kafin nadin nasa a matsayin sabon sarkin, shi ke rike da sarautar Yariman Jama’are.
Tuni al’ummar Jama’are suka shiga shewa da murna, bayan fitar sanarwar nadin sabon sarkin.
