Shugaban Kasa Muhammadu Buhari ya umarci hukumomin gwamnatin tarayya da na jihohi da su yi aiki tare wajen tallafa wa wadanda gobara ta shafa a kasuwar Monday Market da ke Maiduguri, Jihar Borno.
Umarnin na kunshe ne cikin sanarwar da Kakakin Shugaban Kasa, Garba Shehu, ya fitar ranar Lahadi.
- Dubban Shuguna sun kone a Gobarar Monday Market, Maiduguri
- Kwankwaso ya cinye karamar hukumar Ganduje
Buhari ya yaba da daukin gaggawar da gwamna jihar, Farfesa Babagana Zulum ya kai wajen kashe gobarar.
Ya kuma yi kira ga jama’a da a kula da yadda ake amfani da wuta musamman a lokutan iska da zafi masu barazanar haifar da gobara a gida da daji.
Haka nan, Shugaba Buhari ya bukaci hukumomin kwana-kwana a matakin tarayya da jihohi da su matsa kaimi tare da samar da ingantattun matakai dangane da ayyukansu.
A karshe, shugaban ya nuna alhininsa tare da jajanta wa duka wadanda gobarar ta shafa.
