Mutum biyu ne suka mutu yayin da wasu suka jikkata tare wasu motoci da dama suka kone kurmus a wutar da tashi sakamakon yoyon bututun man fetir a Ijegun a birnin Legas da safiyar yau Alhamis.
A cewar Hukumar Agajin Gaggagawa ta jihar Legas, LASMA, mutanen biyu da suka mutu su ne wadanda suka haddasa wutar a lokacin da suke kokarin arce wa jami’an tsaro bayan an gano suna kokarin satar man daga bututun man da ke yoyo.
