Editan Jaridar Eggon da ke Jihar Nasarawa, Matthew Kuju da iyalansa mutum uku sun harbu da cutar COVID-19.
Editan ya bayyana a ranar Litinin cewa ya dauki iyalansa suka je yin gwajin cutar a garin Lafia, kuma sakamakon ya nuna suna dauke da ita.
- Mutum 1,204 sun kamu da cutar Coronavirus a Najeriya – NCDC
- Coronavirus ta kashe mutum 9 a Najeriya, 917 sun kamu
- Larry King: Fitaccen dan jarida na asibiti bayan kamuwa da COVID-19
Ya ce, “Kwanaki biyu bayan gwajin, sakamakon ya nuna ni da iyalina muna dauke da cutar COVID-19.
“Dukkaninmu babu wanda ya nuna wasu alamu na rashin lafiya, amma mun killace kanmu, sannan muna karbar magani,” cewar Kuju.
Ya shawarci jama’a da su dauki ragamar zuwa yin gwajin cutar, don sanin sakamakonsu.
Sannan ya shawarci mutane da su ci gaba da bin matakan kariyar COVID-19, kamar yadda masana harkar suka tanadar.
