Gwamnan jihar Legas Babajide Sanwo-Olu, ya sanar da karin mutum 12 da suka warke daga cutar coronavirus a jihar.
Sanwo-olu ya sanar da hakan ne a shafinsa na twitter inda ya shaida cewa tara cikin mutanen da suka warke aka kuma sallama maza ne, uku mata da kuma ‘yar kasar Ukrain a cikin su.
Ya kara da cewa, zuwa yanzu mutum 199 suka warke daga annobar Coronavirus a jihar Legas.
Zuwa yanzu Jihar Legas ita ke kan gaba da yawan wadanda aka tabbatar sun kamu da Coronavirus a Najeriya.
