✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Press To Play

CBN ya haramta cirar sabbin kudi a cikin banki

Bankuna sun yi biris da umarnin CBN na sanya sabbin takardun Naira a injinan ATM

Babban Bankin Najeriya (CBN) ya haramta wa bankuna bai wa kwastomominsu sabbin takardun Naira a saman kanta.

Banckin yce maimakon haka, bankunan su tabbatar sun loda sabbin takardun kudin a injinan ATM don su wadatu a hannun ’yan Najeria kafin wa’adin 31 ga Janairu, 2023 da tsoffin takardun kudin za su daina aiki.

Jaridar Punch ta ruwaito wata majiyar na cewa, “CBN ya ba mu umarnin daina ba wa kwastomomi sabbin takardun N200 da N500 da kuma N1000 ta kanta.

“Maimakon haka, ya bukaci a loda kudin a wadace a injinan ATM don jama’a su samu su cire.

“Nan take ake bukatar aiwatar da wannan umarni.”

Punch ta ce ta gano cewa CBN ya ba da umarnin ne ranar Laraba tare da bukatar a fara aiki da shi nan take.

Sai dai duk da haka, wasu bankuna sun ki bin umarnin na CBN sakamakon karancin sabbin tarkadun Naira, ballantana su su loda a ATM don amfanin jama’a.

A cewar majiyar, karancin sabbin takardun Naira ya sa tilasa bankuna ke gwama sabbi da tsoffin takardun N1,000 da N500 suna sakawa a ATM kafin lamurra su daidaita.