Shugaban Kasa Muhammadu Buhari ya ware wa kansa Naira biliyan 24.835 domin kashewa a shekarar 2022.
Daga cikin kudaden da ake ware wa Ofishin Shugaban Kasa a kasafin 2022, Buhari zai kashe Naira biliyan 2.309 wajen yin tafiye-tafiye a shekarar.
- Da ‘kudin haram’ aka sayi gidan da Buhari ya ziyarci Tinubu
- Najeriya A Yau: Yadda kasafin kudin 2022 zai shafi rayuwarku
An kuma ware Naira miliyan 301 na cin abincin Shugaban Kasa, sai kuma Naira miliyan 30.6 na kayan tande-tandensa.
Tafiye-tafiya Buhari zuwa kasashen waje za su ci Naira biliyan 1.5, sai tafiye-tafiyen cikin gida da za su ci Naira miliyan 775.602.
An kuma ware Naira biliyan 21.975 domin yin gine-gine, ciki har da bangaren Shugaban Kasa da ake ginawa a Asibitin Fadar Shugaban Kasa.
Akwai kuma Naira miliyan 174.176 da aka ware domin biyan alawus din mahalarta taro da kuma kyaututtuka.
Sanarwa da tallace-tallacen Fadar Shugaban Kasa za zu ci Naira miliyan 41.219, sai tura sakonni da kudin sayen takardar kan sarki Naira miliyan 4.788.
