Shugaban kasa Muhammadu Buhari a ranar Alhamis ya yi ganawar sirri da Tsohon Ministan Tsaro, Janar Theophilus Yakubu Danjuma.
Ganawar dai an yi ta ne cikin sirri a fadar shugaban kasa dake Villa a Abuja.
- #EndSARS: Buhari ya gana da tsoffin shugabannin kasa
- Buhari ya gana da Sarkin Kano
- #EndSARS: Shugaba Buhari ya gana da Ministan tsaro
- Buhari ya gana da tsohon Shugaban Zauren MDD
Sai dai ba a bayyana wa manema labarai dalilin ganawar ba, shi ma daga bangarensa TY Danjuma bayan fitowarsa bai bayyana wa manema labarai makasudin ganawar tasa da shugaba Buhari ba.
Ganawar dai ta zo ne kwanaki biyu bayan da shugabannin Kungiyar Dattawa mabiya addinin Kirista na kasa suka bukaci da sake yin gyara dangane da halin da kasar nan ke ciki.
Sai dai ana tunanin ganawar shugaba Buhari da TY Danjuma na da nasaba da halin da kasar nan ta tsinci kanta a ciki, wanda zanga-zangar #EndSARS ta haifar.
