Kungiyar Barcelona ta lashe gasar Laliga na bana bayan ta lallasa kungiyar Deportivo La Coruna da ci 4 da 2, inda Messi ya zura kwallaye har uku a ragar Deportivo a wasan.
Wannan ne karo na 25 da Barcelona ta lashe wannan gasar, takwas kasa da kungiyar Real Madrid da ta lashe gasar sau 33.
A yanzu haka dai Barcelona na tafarkin kafa wani babban tarihi, domin har yanzu ba a doke ta ko wasa daya ba a kakan bana na wannan gasar, kuma saura wasa hudu kacal a kammala.
Sai dai suna da wasa da Real Madrid a ranar Lahadi mai zuwa.
