Babban basaraken Jihar Oyo, wato Olubadan na Ibadan, Oba Saliu Adetunji, ya rasu.
Wata majiya daga fadar ta Olubadan da ta nemi a sakaya sunanta ta shaida wa wakilinmu cewa basaraken ya rasu ne da sanyin safiyar Lahadi a Asibitin Koyarwa na Jami’ar Ibadan.
- Gwamnan Ribas ya haramta karuwanci da ‘night club’ a Fatakwal
- ‘Sata muke yi da karuwanci mu samu kudin shaye-shaye a Sabon Gari’
Ya rasu yana da shekara 93 a duniya.
Aminiya ta gano cewa basaraken mai daraja ta daya ya sha fama da jinya sakamakon rashin lafiya a ’yan makonnin da suka gabata.
“Ko da yake har yanzu ban karasa fadar ba, amma na ji labarin cewa ya rasu ne a Asibitin Koyarwa na Jami’ar Ibadan da safiyar Lahadi. Zan ba ka cikakken bayani da zarar na karasa fadar,” inji majiyar.
Marigayin dai ya dare karagar ta Olubadan ne a ranar hudu ga watan Maris na shekarar 2017.
