Kungiyar kwallon kafa ta Arsenal ta dauki dan wasan Real Madrid Martin Odegaard a matsayin aro har zuwa karshen kakar wasa ta 2021.
Arsenal ta sanar da daukar dan wasan tsakiyar ne a ranar Laraba a shafinta na intanet.
- Kocin Real Madrid Zidane ya kamu da Coronavirus
- Kotu ta kwace kudaden tsohon Gwamnan Zamfara Abdulaziz Yari
- Na yi wa mata 50 fyade da fashi a gidaje 100
- Real Madrid na dab da dauko Alaba daga Bayern Munich
Odegaard ya yanke hukuncin barin Real Madrid ne saboda rashin samun dama daga kocin kungiyar, Zinedine Zidane.
Bayan samun rashin nasarar Real Madrid a gasar Supercopa De Espana, dan wasan ya sanar da masu ruwa da tsaki na kungiyar kudurinsa na barin ta.
Sai dai Arsenal ta amince da daukan dan wasan, dan asalin kasar Norway, a matsayin aro bayan nuna sha’awa da kocinta, Mikel Arteta ya nuna.
Wannan shi ne karo na biyu da dan wasan yake barin Real Madrid a matsayin aro, bayan da ya gaza samun ishasshiyar dama.
