Jam’iyyar Conservative ta masu ra’ayin rikau a Birtaniya a ranar Litinin ta zabi Liz Truss a matsayin sabuwar Firaministan kasar.
Lis, wacce ita ce mace ta uku da ta dare kujerar dai za ta maye gurbin Boris Johnson ne, a daidai lokacin da kasar ke fama da rikicin tattalin arziki mafi muni a tsawon shekaru masu yawa.
- Aikin farfado da Arewa maso Gabas zai lakume N31trn —NEDC
- Jamus ta ware Euro biliyan 65 domin rage wa jama’a radadin rayuwa
Sabuwar Firaministar dai ita ce tsohuwar Sakatariyar Harkokin Waje ta Birtaniya, kuma ta doke abokin karawarta, kuma tsohon Ministan Kudin kasar, Rishi Sunak.
Ta sami kaso 57 cikin 100, yayin da shi kuma ya sami kaso 43 na kuri’un da mambobin jam’iyyar suka kada.
A wani gajeren jawabi ta bidiyo da ta wallafa bayan samun nasararta a wani dakin taro da ke tsakiyar birnin Landan, Liz Truss ta ce babbar girmamawa ce a gareta samun matsayin da ta jima tana hankoron samu.