Akalla gawarwaki 10 aka tsinta bayan wani harin ’yan bindiga a kauyen Unguwar Wakili da ke Karamar Hukumar Zangon Kataf ta Jihar Kaduna.
Tuni dai majalisar Karamar Hukumar ta sanar da sanya dokar hana fita a yankunan Ungwan Juju da Mabuhu da Ungwan Wakili da kuma Zangon Uba.
- ’Yan bindiga sun sace mutum 9 a Abuja
- Dan Jarida ya mutu yana tattakin zuwa wurin aiki saboda karancin takardun kudi
Karamar Hukumar dai ta sanar da sanya dokar ce a cikin wata sanarwa da Kakakin Shugaban Karamar Hukumar, Yabo Chris Ephraim, ya fitar.
Ya ce an sanya ta ne domin dakarun sojoji su sami zarafin dawo da zaman lafiya a yankin.
Sai dai har zuwa lokacin hada wannan rahoton, Rundunar ’Yan Sanda ta Jihar Kaduna ba ta magantu a kan lamarin ba.
Muna tafe da karin bayani…
