’Yan sanda a Jihar Katsina sun kashe ’yan bindiga biyar suka kuma kame wasu 16 bayan musayar wuta.
Kakakin Rundunar ’Yan Sandan Jihar Katsina, SP Gambo Isah, ya ce jami’an sun kuma kwace shanun sata 69 da wasu miyagun kwayoyi a hannun ’yan bindigar.
- Ina kudaden da aka kwato suke? Sarkin Musulmi ga Gwamnati
- An sauya shugaban tsaron Masallacin Harami bayan yunkurin kashe limami
- Rashin ruwan sama ya hana manoma bacci a Taraba
Ya ce an kashe ’yan bindigar ne a yayin musayar wuta da ’yan sanda a yankunan Kafur da Danja da Dutsinma da Safana da Batsari da Makera da Funtua.
An kuma kama wadansu 15 yayin musayar wutar da kuma wani matashi mai shekara 25 a kan hanyarsa ta zuwa cikin dajin da zimmar yi wa ’yan bindigar da suka ji rauni magani.
A cewar kakakin, an kwace bindigogi uku kirar gida da albarusai 10 daga hannun miyagun.
