Jami’an rundunar ‘yan sandan Jihar Legas sun cafke wasu mutum uku da ake zargi da kashe wani malamin makaranta.
Marigayin mai suna Idowu Hamzat wanda ke zaune a garin Ibadan a Jihar Oyo, ana zargin cewa mutane ukun ne suka kashe shi.
- NAJERIYA A YAU: Yadda Zaben Shugabancin Majalisun Najeriya Zai Kasance
- An kashe mutum 21 a wani sabon hari a Filato
Wadanda ake zargin sun yi wa mamacin dukan tsiya har ya mutu a kan wani lamari da ba a bayyana ba.
Yanzu haka dai jami’an ‘yan sanda na binciken wadanda ake zargin sun yi wa malamin mai shekara 36 dukan kawo wuka har lahira.
Kakakin rundunar ‘yan sandan jihar, Benjamin Hundeyin, ya tabbatar da kama wadanda ake zargin, ya kuma kara da cewa an garzaya da su zuwa sashen binciken laifin kisan kai na rundunar ‘yan sandan jihar.
