An harbe mutum daya bayan wani rikici da ya barke a garin Jangebe inda ‘yan bindiga suka yi garkuwa da dalibai mata 279 a Jihar Zamfara.
Wani mazaunin garin ya ce jami’an tsaro sun bindige wani matashi ne a lokacin da suke kokarin kwantar da tarzomar da ta tashi a makarantar a yammacin ranar Laraba.
- Mutum biyu sun mutu bayan karbar rigakafin Coronavirus
- Dillalan Shanu da kayan abinci za su janye yajin aiki
- Yadda ’yan bindiga suka kashe mijina wata daya da aurenmu
- Abin da mahaifina ya fada min a hannun ’yan bindiga —Dalibar da aka sako
Rikicin da ya yi sanadiyar rasa ran ya barke a Makarantar GGJSS Jangebe ne a yayin da Gwamnatin Jihar Zamfar ke mika daliban da aka sako ga iyayensu.
A ranar Laraba ne aka kai daliban harabar makarantar domin haduwa da iyayensu bayan Gwamnatin Jihar ta sa an duba lafiyarsu bayan masu garkuwa da su sun sake su ranar Talata.
Ana cikin haka ne wasu fusatattun matasa suka rika kai wa mutane farmaki a harabar makarantar.
