Wasu daga cikin al’ummomin garuruwan Zariya, musamman Dutsen Abba da kewaye sun fara yin kaura daga muhallansu saboda matsalar tsaro.
A daren ranar Laraba ne da misalin karfe 11:30 na dare, wasu ’yan bindiga suka sake komawa garin Saye Lemo da ke gundumar Dutsen Abba gidan wani dan kasuwa.
- Ana kashe mu kamar dabbobi babu mai kare mu —Sheikh Dahiru Bauchi
- Daga Laraba: Illolin da rashin kaunar juna ke yi wa mata
Gidan dan kasuwar na dab da Kwalejin Kimiyya da Fasaha ta Nuhu Bamalli da ke Zariya, wanda a nan ne aka sace wasu mutane tare da kashe wasu a daren ranar Litinin.
’Yan bindigar sun kashe dan kasuwar sakamakon turjiyar da ya yi na kin binsu, wanda hakan ya sa suka harbe shi har lahira sannan suka yi awon gaba da ’ya’yansa guda uku; Fadila Habibu, Lawal Habibu da kuma Umar Habibu.
Farmakin da ’yan bindigar suka kai a daren ranar Litinin, ya yi sanadin ajalin dan Majalisar Dokokin Jihar Kaduna, Rilwanu Aminu Gadagau.
Tuni aka yi masa sutura sannan aka birne shi a ranar Laraba.
