Sarkin Musulmi, Alhaji Sa’ad Abubakar III ya bukaci al’ummar Musulmi su soma laluben sabon watan Dhul-Hijjah daga ranar Laraba.
Sultan Abubakar ya yi wannan kira ne a wata sanarwa da ya fitar ranar Talatar nan ta hannun Farfesa Sambo Junaidu, Shugaban Kwamitin Shawarwari kan Harkokin Addini na Fadar Sarkin Musulmin da ke Sakkwato.
- Yadda aka damfari masu neman gidan haya Naira miliyan 60 a Legas
- Mutum shida sun mutu a hadarin mota a Jigawa
Sanarwar ta ce Laraba ita ce 29 ga watan Dhul-Qidah 1443 Bayan Hijirah, kuma ita ce ranar soma duba sabon wata na Dhul-Hijjah 1443 Bayan Hijirah.
Ya kuma roki Allah ya taimaka wa al’ummar Musulmi wajen tafiyar da harkokin ibada a cikin sabon watan mai alfarma.
Dhul-Hijjah shi ne wata na 12 kuma na karshe a kalandar Musulunci da al’ummar Musulmi ke gudanar da Hajji da kuma bikin Sallah Babba – da ake gudanar da layya.
